Gɔ̈c 1:1-8

Cäŋ ë Käŋ: Aköl tueŋ ku aköl ë rou.

Kuur ë Run

Waŋ kën ee jam lɔnadë Yecu ee kuur ë run ye kɔc cï gam thiaan thïn ku dëkkë thïn. Yen ee kuur ɣɔn cïï mïth ë Yithrɛl dek thïn; wäär ë bïï Moce jam kek kuur, go puöu riääk ku tuɛɛŋ kuur. Wɛ̈t ë kën acïï Nhialic yeen bɛ̈n pɛ̈n la piny ɣɔn cï thɔ̈n wärken.
Kuur ë Run atɔ̈u akuën 300 WAAK Aakutnhom Aatït-bɛ̈n Aaköldhorou (AAA).

Kuur ë Run 300 Rock of Ages - WAAK AAA
1. Kuur ë run, kak rot tën ɣɛɛn, cɔl ɣɛn thiaan rot thïn Yïyic;
Cɔl pïïuKu ku riɛmDu, bei yɔnDun cï reet ye kuër,
Ye këren dem adumuɔ̈m, cau ɣɛɛn tën aawäcde ku riɛl.
2. Ace loiloi ë cɛnkië, kek lëu bïk thiëckun löŋ tiɛɛŋ;
Lëu bë kuɔɔkdië cën lɔ̈ŋ ŋic, lëu pïïukiën nyin guar akölriëëc
Tën aawöc cï lëu bë döör; Yïn dhil luäk, kue Yïn Yïtök.
3. Aköl jöl ɣɛn kɛnydië thiöök; ke ɣacï kɔc aatɛr cëën tiaam,
Aköl pɛ̈r ɣɛn tën pinypiny kuc, ku tiëŋ Yïïn thɔ̈nyDu nhom,
Kuur ë run, kak rot tën ɣɛɛn, cɔl ɣɛn thiaan rot thïn Yïyic.

Kën ee Pinynhom ë Wää

Waŋ kën ee jam lɔnadë pinynhom ee kën ë Wäädan yen tɔ̈u Nhial. Kayeen acïn këlëu bë ɣorac puöth, ku ɣok aa dhil puöth miɛt ku këtku tën Yeen.
Kën ee Pinynhom ë Wää, wak 92 ë WAAK Aakutnhom Aatït-bɛ̈n Aaköldhorou (AAA).

Kën ee pinynhom ë Wää 92 This is My Father's World - WAAK AAA
1. Kën ee pinynhom ë Wää, ku tën yïthkiën pïŋ,
Kuat cääk ee ket, kue gut ɣalɔ̈ɔ̈m, ye din puɔthDen ë ruŋ.
Kën ee pinynhom ë Wää; ɣɛn ye lɔ̈ŋ ë täk yic,
Aaleel ku tiim, ë nhiɛl ku wɛ̈r; cɛnDe ee gɛ̈i dït looi.
2. Kën ee pinynhom ë Wää, diɛt aa waak ken kiɛɛt;
Ɣɛɛr ë nhiäknhiäk, abɛnh wën ɣer, aa piɔ̈ny Acäŋden luɛɛl.
Kën ee pinynhom ë Wää; Yen ee ruɛl kuat këdhëŋ yic;
Ayir ë noon yic Yen ya piŋ ketëk, Yen ye jam tën ɣɛɛn tëriëëc.
3. Kën ee pinynhom ë Wää, cɔl ɣɛɛn cï nhom kɔŋ määr
Lɔn tëcɔk lueth cët kën col riɛl, Nhialic aŋuɔt tɔ̈u keye Bɛ̈ny.
Kën ee pinynhom ë Wää; yeŋö dhil piändië jäl rɛ̈ɛ̈c?
Bɛ̈ny ee Mëjöm; cɔl nhial aguöt! Nhialic amɛ̈c; cɔl piny amit puöu.

Bɛ̈ny ë Kɔc Rɛc!

Waŋ kën ee jam lɔnadë tëcɔk ɣɛn aa bɛ̈ny ë kɔc, ka Yecu acï riɛmDe cɔl akuër tën ɣɛɛn bä luɔ̈k ba ya raan cï ya yam. Yemën ɣɛn acï ben rëër adumuɔ̈m yic kek aawöc. Ku ɣɛn ajöl rëër kek ŋäth lɔn bïï ɣɛn pïïr nhial aköl le Yen bɛ̈n ë Bɛ̈nDen ë rou. Acïn raan cïï adumuɔ̈m ruɔɔk bë cën tëkuëk Yecu ye bei thïn. Rin riɛm ë Nhialic-Raan acï kuëër tën kuatë raan ebën. Kuatë ran gam Yeen abë luɔ̈k.
Bɛ̈ny ë Kɔc Rɛc ee wak 295 WAAK Aakutnhom Aatït-bɛ̈n Aaköldhorou (AAA).

Bɛ̈ny ë Kɔc rɛc 295 Chief of Sinners - WAAK AAA
1. Bɛ̈ny kɔc rɛc cɔk alɔn ɣɛn,
Yecu riɛm kuëër tën ɣɛɛn;
Thou aguɔ jäl pïïr thïn nhial,
Thou aguɔ jäl cïï ben thou;
Cïmën këër yen tɔ̈u tim kɔ̈u,
Ɣɛn këDe, ku Yen këdië
2. Bɛ̈ɛ̈r wën cït nhiëër ë Yecu!
Aben bɛ̈ɛ̈r tënë nhial tui;
Athuth tënë wär ben thuth,
Acëŋ cïmën akölriëëc;
Nhiëër yen yök ɣɛɛn täŋ ë gäi!
Cä yök wën këc ɣɛn Ye ye yɔ̈ɔ̈p!
3. Bɛ̈ny kɔc rɛc cɔk alɔn ɣɛn,
Krïtho kuat këriëëc tën ɣɛɛn;
Kuat käwiëc tën Yeen aa ŋic,
Kuat nyin ŋɛ̈ɛ̈ŋkië aa käkKe;
Pial kek Yeen tënë tɛr piiny
Yen ee pïïr cï thiaan muk.

Ee Nhiëër Yen ë Ɣook Miëët Puöth

Waŋ kën ee jam alɔŋ ë Nhiëër ë Nhialic yen ë ɣook piɔ̈ɔ̈c buk ya ŋaŋ ë kɔc kɔ̈k ku pɛɛthku tën keek. Wak 579 WAAK AAA (Akutnhom Aatït-bɛ̈n Aaköldhorou).

Ee Nhiëër Yen ee Ɣook Miëët Puöth 579 'Tis Love That Makes Us Happy - Waak AAA
1. Ee nhiëër yen ee ɣook miëët puöth, Ee nhiëër yen ë dhöl röc yic
Ee ɣook cɔl aŋaŋ, ee ɣook cɔl apath tën kɔc kɔ̈k akölluööt
Nhialic ee nhiëër, ɣok aa mïthKen koor. Nhialic ee nhiëër;
Ɣok aa bë cët Yeen. Ee nhiëër yen ee ɣook miëët puöth,
Ee nhiëër yen ë dhöl röc yic; ee ɣook cɔl aŋaŋ,
Ee ɣook cɔl apath tën kɔc kɔ̈k akölluööt.
2. Piny kën athiäŋ ë dhiëëu, ë tuany, ku thuɔɔu, ku awöc
Ë puön ë nhiëër ɣok ‘loi abaŋda, ku themku buk kɔc kut.
3. Ku na cï pïïr kën jäl thök, ku cï ɣook cɔɔl pannhial
Diɛnda abë jäl tɔ̈u akölriëëc, keye Yecu ku nhiëërDe.